Varginha UFO incidente

Say water tower ya singa barko ed central park na syudad na Varginha et simbolo na insidente na UFO

Varginha UFO incident diad 1996 sanen saray residente na Inkuan na saray taga Varginha, Brazil ya anengneng da so sakey odino dakel nin nikadkaduman pinalsa tan anggan sakey labat ya identified flying object (UFO). Kaibad arum nin akusasyon so inkadakep na sakey odino dakel nin extraterrestrial a pinalsa na saray autoridad na Brazil, impatey na ayayep diad zoo, tan sakey a bii ya inyanak na extraterrestrial. Dakel so imbalita na media nipaakar ed sayan agawa.

Panmoria

Unong ed saray report na media, sakey a pinalsa so anengneng ed ngarem na Enero 20, 1996, na taloran bibii a manedad na 14 anggad 22. Deneskribe na saray bibii so pinalsa bilang baleg a ulo a biped a walay "sakey a patit a singa saray ugat ed laman tan pigaran bulong ed ulo [...] saray mata to et duaran ambalangan bola." Say pinalsa (sinmabi panaon et tinawag ya "ET de Varginha") et singa agmakapekder, tan inisip na saray ugaw a bibii a sikatoy asugatan odino mansasakit. Inkuan na saray bibii a binmatik ira tan imbaga dad ina ra ya anengneng da so 'demonyo".

Kayari na satan et ginmapon kinmayat iray balita ed lugar, ya ibabaga na arum a totoo ya anengneng da iray UFO diad apalabas iran agew.

Diad saginonor, wala ni ray imbaga ya arum nin ag-amta a pinalsa/alien so atipon tan naobserbaan ed ospital,militarya,police, governo truck tan sakey ya ag-amta ya ayep a "manaalagar" ed lokal a katakelan, impatey na sakey ya pulis, tan agnapaliwawa iran impatey na ayayep diad lokal ya zoo. Diad saginonor et imbaga na saray ufologist ya wala so koneksion na saratan tan arum nin ibabaga ra,Kaibad satan so pankuan a sakey ed saray inmunan akanengneng ed saray pinalsa et inyanak na pinalsa.

Pananap

Sakey ya opisyal ya imbestigasyon ya indaulo na saray sundalo na Brazil so angiter na konklusyon nen 2010 a saray kalangweran a bibii et akabat da so sakey ya andiay ayaman, agmapekder ed mental a laki a tatawagen na "Mudinho. Say Komandante na 24th Police Battalion Military " et angipresenta na saray litrato (...) na sakey a mibabaley a kabkabat ya si Mudinho, ya nayarin walay depekto tod isip tan saray pisikal ya ugali to et mipara ed deskripsion Kanian nayarin say teorya a sayan mibabaley, a nayarin marutak lapud mabiskeg ya uran tan anengneng a mankakolkol ed dingding, et nalilingo na taloran natatakot a bibii bilang sakey a pinalsa ed liwang." Inreport na pangulo na opisyal ya imbestigasyon ya saray trak tan sundalo et gagawaen day ordinaryon kimey da diad samay labi ya naobserbaan ira, ya inkuan ton, "say kiwawala na saray Bombero diad Jardim Andere, say paka-parking na saray truck na Armada diad asingger ed konsesyonario a pangipapagawaan na periodikon panmintina ra... tan say ipapaway na saray sasakyan na EsSA... et tua iran agawa... aliwan susto so impangipatalos da bilang saray Bombero tan Militar ya akibiang ed impangawit tan diad saginonor ya impangiyalis ed satan a pinalsa diad Campinas."

Imbalita met na saray autoridad ed Brazil a saray aliens ya ipapasen a anengneng ed ospital et sakey a malukon a sanasawa a walaan na dwarfism.

Kinritikoan na skeptic a si Brian Dunning iray makapabiglan salaysay na media tan ibabaga na saray UFOlogist. Unong ed si Dunning, "Sayan kaso so sankakombinsean ya alimbawa no akin ya anggapo so agawa ya ag-alilingwanan, tan satan so nagmaliw a sakey a kaso ya ipapasen na dakel a mabiskeg ya ebidensya na imbisita na saray estranghero. Parad saratan a mananisia, irerekomendaan ko so panguman na sukat no iner so pangipasen yo ed kalidad na ebidensya.

Kabkabat

Sarayan ibabaga na saray totoo et baleg so epekto da ed turismo diad syudad na Varginha. Saray abuong ya alien ya manananem a mansusulong na football uniform so ilako ed lugar na insidente. Saray graben alien a desinyo so inusar ed saray kampanya na publicidad parad baley. Saray istasyon na bus so impaalagey a singa saray barko ed liwang tan say 20 metro ya atagey a water tower ya walay disk-shaped ya reservoir na danum so impaalagey ed sentro na syudad a tatawagen ya Nave Espacial De Varginha

impulisay na gobierno na Brazil iray akusasyon na saray teoryan managkomplot ya iyamot day ebidensya na saray extraterrestrial.

Nen Abril 2020, walay inyan mask ed sakey ed saray monumento na saray estranghero ed Varginha, sakey a stunt ya ginawa bilang kabiangan na kampanya ed pampublikon bunigas na COVID-19.

Midya

• Say "1996"', sakey a pelikula nen 2020 na direktor ya si Rodrigo Brand, so pinmawil ed agawa diad sakey ya awet-awet ya istorya a ginawa ed saray linya na sakey a dokumentaryo (diad estilo na The Blair Witch Project). Sayan antikey ya pelikula et ginawa ed VHS tan ontumbok ed trajectory na duaran tinedyer ya onlad syudad na Varginha nen Enero 20, 1996. Diad labi et naandi rad katakelan tan naromog ira na ET. Say antikey ya pelikula et maong ya inawat tan akibiang ed pigaran importantin festival a singa say 23rd Tiradentes Cinema Exhibition.
• UFO Files S1 E4: Say Brazilian UFO Crash: The Truth, et ni-broadcast nen Hulyo 23, 2011 diad Syfy.
• Incidente em Varginha, sakey a video game ya apaseseg ed sarayan agawa.
• Moment of Contact, sakey a dokumental a pelikula nen 2022 na direktor ya si James Fox.

Nengnengen met

• Saray nanenengneng ya UFO diad Brazil

External links

• Caso ET de Varginha (Mais Varginha) (in Portuguese)
• Revista UFO (UFO Magazine), Special Issue #13, July 1996, published by CBPDV (Centro Brasileiro para Pesquisa de Discos Voadores - Brazilian Center for Flying Saucer Research), Editor Ademar José Gevaerd (in Portuguese) English translation
• Revista UFO (UFO Magazine), Web Site Varginha Incident (in Portuguese)