Urduja
Si Urduja et sakey a maalamatan manbabakal a prinsesa ya aka-tala ed saray salaysay na panagbiahe nen Ibn Battuta (1304 - posiblin 1368 odino 1377 AD). Sikatoy nibaga ya prinsesa na Kaylukari diad dalin na Tawalisi. Anggaman ag-itan natatalosan ed saray lugar na Kaylukari tan Tawalisi, diad Pilipinas, panisiaan na saray modernon Pilipino ya say Urduja et taga Pangasinan, tan manlapu lad saman et ipapasen bilang bayani na bansa.
Si Ibn Battuta
[dumaen | dumaen so pinanlapuan]Impaliwawa nen Ibn Battuta si Urduja bilang manuley na Kaylukari diad dalin na Tawalisi tan lider na saray Kinalakian. Kayari ton inabot so Samudera Pasai Sultanate diad natan ya Sumatra, Indonesia, sinmabi si Ibn Battuta ed Tawalisi diad dalan to ya onlad Tsina. Say princesan Urduja et nibaga bilang anak na sakey a manuley a manngaray Tawalisi ed dalin ya tatawagen met ya Tawalisi. Unong ed si Ibn Battuta, say manuley na Tawalisi et walaan na dakel ya barko ya basura tan sikatoy kalaban na Tsina, ya nan-uley ed saman na dinastia na Mongol.[1] Si Ibn Battuta so nanlayag ed loob na 17 agew pian onlad Tsina manlapud dalin na Tawalisi.[2]
Nantultuloy so impanbiahe nen Ibn Battuta ed Mecca tan dakel ni ray arum ya lugar ed mundo na Islam. Manlapud India tan Sumatra, sinmabi si Ibn Battuta ed dalin na Tawalisi. Impaliwawa nen Ibn Battuta so Urduja bilang sakey a manbabakal a prinsesa ya say armada to et kaibad lalaki tan bibii. Si Urduja et sakey a bii a manbabakal ya personal a nanlalaban tan akibakal ed arum ya manbabakal. Sikatoy sinalita ya agto la mangasawa noagta samay manalo ed sikato diad duelo. Ag-ira akibakal ed sikato lapud takot da ya napelag ed kababaingan.[3]
Impasimbawaan nen Urduja si Ibn Battuta lapud saray militar ya agawaan to tan say ambisyon ton mangidaulo na sakey ya ekspidisyon ed India, ya kabkabat to bilang "Paper Country". Impanengneng to met so panangawes to diad imparaan to na panangan parad si Ibn Battuta tan saray tripulante na barko to. Mabunlok ya inter na Urduja ed si Ibn Battuta iray regalo a kaiba iray kawes, arina, duaran bufalo, tan apatiran baleg a banga na ginger, piper, limon, tan mango, ya amin et asin, pian iparaan so biahe nen Ibn Battuta diad dayat diad Tsina.[4]