Lewis Carroll

Lewis Carroll
Si Carroll nen Hunyo 1857
Inianak	Charles Lutwidge Dodgson (1832-01-27)27 Enero 1832 Daresbury, Cheshire, England
Inatey	14 Enero 1898(1898-01-14) (edad 65) Guildford, Surrey, England
Lubok	Mount Cemetery, Guildford, Surrey, England
Edukasyon	Rugby School Christ Church, Oxford
Pirma

Si Charles Lutwidge Dodgson (Enero 1832 - 14 Enero 1898), mas kabkabat ed ngaran to ya Lewis Carroll, sakey ya Ingles ya awtor, mannaniw tan matematiko. Say sankabkabat ya kimey to et say Alice's Adventures in Wonderland (1865) tan say sinekwen to Through the Looking-Glass (1871). Sikatoy kabkabat lapud abilidad ton manggalaw na salita, mantalos, tan makapangipaliwawa. Saray daniw to ya Jabberwocky (1871) tan The Hunting of the Snark (1876) et nipapasal ed klase na literary nonsense.

Si Carroll et nanlapud pamilya na saray Anglikano ya malet so simbaan da, tan nanlapuan toy abayag ya relasyon ed Simbaaan nen Kristo, Oxford, a ditan et nanayam ya iskolar tan managbangat. Si Alice Liddell - anak nen Henry Liddell, say Dean na Simbaan nen Kristo - so kabkabat a say orihinal ya inspirasyon ed Alice in Wonderland, anggaman lawas inililiwan nen Carroll itan.

Si Carroll et matunong ya manggawa na saray puzzle, kanian pinalsa toy "puzzle ya takayan" (a tinawag ton "Doublets"), ya impapabitar to ed semanikon kolumni to ed magasin ya Vanity Fair ed loob na 1879 anggad 1881. Nen 1982, walay sakey a bato ya pakanodnonotan ed si Carroll ya impabantay diad Poets' Corner diad Westminster Abbey. Wala ray komunidad ed dakel a pasen ed mundo ya dedikasi ed panliliketan tan pangiyabawag ed saray kimey to.