Kapulo-puloan
Taytay-Bakes so arom ya tawag parad sayan pasen. Say Hundred Islands National Park et sankaunaan ya national park na Pilipinas tan protektadon lugar ya walad Alaminos, Pangasinan. Saray isla, ya mankantidad na 124 no abeba so danum tan 123 no atagey so danum, et nitaytayak ed Lingayen Gulf ya mansaklaw na 16.76 square kilometres (6.47 sq mi). Apat labat ed saratan so ginawa parad turismo: Quezon Island (say sankaaligwasan), Governor Island, Children's Island, tan Pilgrimage Island.[1][2]
Awaran
[dumaen | dumaen so pinanlapuan]Say national park et ginawa na Presidential Proclamation No. 667, ya mansaklaw na 16.76 square kilometres (6.47 sq mi) tan pinirmaan nen Presidente Manuel L. Quezon nen Enero 18, 1940, parad pankaabigan tan panliket na saray totoo ed Pilipinas tan kabkabat bilang Hundred Islands National Park (HINP).[3]
Nen 2001, indeklara na National Committee on Geological Sciences so pasen bilang National Geological Monument. Say Executive Order No. 436 ya pinirmaan nen Presidente Gloria Macapagal Arroyo nen Hunyo 21, 2005, so angiyalis ed administrasyon, panangasikaso, panmintina, tan operasyon na interon Hundred Islands National Park (HINP), kaiba lay amin ya aktibidad, pasilidad, tan pananguman kayari na satan, manlapud say Philippine Tourism Authority (PTA) ed city government na Alaminos, Pangasinan nen panumbok ed Republic Act No. 7160, ya tatawagen met ya Local Government Code of 1991, ya angipaseseg ed pangiyalis na pakayari tan autoridad manlapud gobierno na bansa ya anggad saray yunit na gobierno lokal, unong ed programa na gobierno ya mangigaganggan na Konstitusyon.[4]
Saray reperensiya
[dumaen | dumaen so pinanlapuan]- ↑ East, Bob (March 8, 2021). Mindoro and Lingayen Liberated: The Deliverance of the Philippines from the Japanese in WWII (in English). Cambridge Scholars Publishing. p. 61. ISBN 978-1-5275-6725-2. Retrieved October 14, 2024.
- ↑ "Hundred Islands – for real and in 3-D", The Philippine Star (July 9, 2020).
- ↑ "Proclamation No. 667, s. 1941". January 18, 1941. https://www.officialgazette.gov.ph/1941/01/18/proclamation-no-667-s-1941/. Inala nen August 8, 2023.
- ↑ "Executive Order No. 436, s. 2005". June 21, 2005. https://www.officialgazette.gov.ph/2005/06/21/executive-order-no-436-s-2005/. Inala nen August 8, 2023.