Isaac Newton

Sir Isaac Newton
Sir Isaac Newton
	Sir Isaac Newton diad portrait ya ginawa nen Godfrey Kneller nen 1689
Inianak	Enero 4, 1643; [OS: 25 Disyembre 1642]; Woolsthorpe-by-Colsterworth; Lincolnshire, Inglatera
Inatey	Marso 31, 1727 (edad 84); [OS: 20 Marso 1726]; Kensington, London, Inglatera
Nasyonalidad	Ingles (Briton mula sa 1707)
Kaabigan	Ingles
Alma mater	Trinity College, Cambridge

Si Sir Isaac Newton (nianak 25 Disyembre 1642 – 20 Marso 1726/27) et sakey ya Ingles a siyentipiko. Sikatoy manunan kabiangan na Scientific Revolution tan say Kakabatan ya tinmumbok. Say manunan libro to a Philosophiæ Naturalis Principia Mathematica (Mathematical Principles of Natural Philosophy), ya inmunan im-publish nen 1687, so angikonekta ed dakel ya apalabas a resulta tan angiletneg na klasikal a mekanika.^[1]^[2] Si Newton so angiter met na importantin kontribusyon ed optika, tan kaiba toy Aleman ya matematiko ya si Gottfried Wilhelm Leibniz diad impamawala to na infinitesimal calculus.

Diad Principia, impaliwawa nen Newton iray ganggan nipaakar ed panagbiahe tan grabitasyon na uniberso a nagmaliw ya manunan punto de bista na siensia diad loob na dakel a siglo anggad sinalatan na relativity theory. Inusar nen Newton so mathematical description to ed gravity pian naamtaan iray ley nen Kepler nipaakar ed planetary motion, saray marea, saray trajectory na saray kometa, say precession na equinox tan arum ni ran bengatla, ya angekal ed panduaruwa nipaakar ed heliocentricity na Solar System. Impanengneng to a say iyalis na saray bengatla ed Dalin tan saray tawen a laman et nayarin ipaliwawa ed parehon prinsipyo. Say konklusyon nen Newton a say Dalin et sakey ya oblate a spheroid so tinmumbok a kinompirma na saray geodetic a panagsukat nen Maupertuis, La Condamine, tan arum ni, ya akombinse ed maslak ya scientist ed Europa nipaakar ed inkamapaatagey na mekanika nen Newton ed saray datin sistema.

Nengnengen met

listaan ya nakaukulan ya artikulo ed balang salita

Saray reperensiya

↑ Whiteside, D. T. (1991). "The Prehistory of the 'Principia' from 1664 to 1686". Notes and Records of the Royal Society of London. 45 (1): 11–61. doi:10.1098/rsnr.1991.0002. ISSN 0035-9149. JSTOR 531520. S2CID 145338571.
↑ Gandt, F. D. (2014). Force and Geometry in Newton's Principia (in English). Princeton University Press. pp. ix–xii. ISBN 978-1-4008-6412-6.

Saray gawing ed labas

Commons

[1] Whiteside, D. T. (1991). "The Prehistory of the 'Principia' from 1664 to 1686". Notes and Records of the Royal Society of London. 45 (1): 11–61. doi:10.1098/rsnr.1991.0002. ISSN 0035-9149. JSTOR 531520. S2CID 145338571.

[2] Gandt, F. D. (2014). Force and Geometry in Newton's Principia (in English). Princeton University Press. pp. ix–xii. ISBN 978-1-4008-6412-6.

[1]

[2]