Ipalapag so salitan Pangasinan
Kumon no wadya tayo ed pangasinan say panagsalita timet kumon ay pangasinan pyan agtayo nalingwanan tan agtayo nairapan ya mansalita jat pangasinan aruen tayo so panagsalita tayo pyan anta da nira iray arom ya untombok ya generasyon pyan naipasa tinid sikara so panagtungtong tayo tan say panagtalos no anto so ibabaga ya pangasinan Galin amin kabaleyan, amin ya makapansalita'y Pangasinan. Ipalapag tayo so salita tayo lapud undadaiset la iray totoo ya makaamta ya mansalita na Pangasinan. Sikatayo iran taga luyag ed nepeg ya sikatoy mangituloy na saray panagpalapag na salita ta pian aga nabalang so salita tayo ya tawir nanlapu ni es saray ninuno tayo.
Mairap so manimbento na salita, mairap met ya unlapag tan ungkamayat kanyan say pikasi ed saray kapara mi ra ya Pangasinan, iner man so kawalaan yo et mansalita tayo pa kumon tan ibangat tayo iray kalangweran ya mansalita na say sarili tayon lenggwahe - say salitan Pangasinan.
