Iglesia nen Kristo

Iglesia Ni Cristo o INC so ngaran na sakey ya relihiyon ya impaalagey nen Felix Y. Manalo, sakey ya Pilipino tan arehistro ed gobyerno na Pilipinas nen July 27, 1914. Si Felix Y. Manalo so bibirbiren na saray myembro ya sikato so sampot ya imbaki na Diyos a katawan pian mangipalapag na saray ebanghelyo nipaakar ed kilalaban na totoo.

Saray Iglesia ni Cristo ya myembro et mantatawagan na saray agagi or brotherhood. Mamidwa ed sakey simba so regular ya tipon da ya gaganapen da ed tatawagen dan kapilya.

Diad kaplesan, say Iglesia Ni Cristo et akasabi la ed kulang kulang ya dwan lasos ya bansa tan teritorya ed intiron mundo.