Biblia
Say biblia (manlapud Koine Greek τὰ βιβλία, tà biblía, 'saray libro') et koleksion na saray relihyoson teksto odino sulsulat, ya arum, amin, odino sakey ed saratan et ipapasen ya sagrado ed Inkakristiano, Judaismo, Samaritanismo, Islam, tan dakel nin relihyon. Say Biblia et koleksion na nanduruman teksto ya orihinal ya insulat ed Hebreo, Aramaiko, tan Koine Greek. Kaibad saratan a teksto iray instruksion, istorya, anlong, tan propesiya, tan arum nin genre. Say koleksion na saray materyales ya aawaten bilang kabiangan na Biblia na sakey a relihyoson tradisyon odino komunidad et tatawagen a kanon na Biblia. Iisipen na saray manisia ed Biblia a say Biblia et impuyan na Dios, balet nanduruma so pakatalos da ed kabaliksan na satan tan ed impangipatalos da ed satan.
Saray relihyoson teksto so impantitipon na nanduruman relihyoson komunidad diad nanduruman opisyal a koleksion. Say sankaunaan et say unonan limaran libro na Biblia. Say tawag ed satan et Torah diad Hebreo tan Pentateuch (kabaliksan na limaran libro) diad Griego; say komaduan sankaunaan a kabiangan et koleksion na saray salaysay ed awaran tan propesiya (say Nevi'im); say komatlon koleksion (say Ketuvim) et walaan na saray salmo, proberbio, tan salaysay ed awaran. Say "Tanakh" et sakey nin termino parad Hebreon Biblia a tugyopen na unonan letra na sarayan taloran kabiangan na Hebreon Kasulatan: say Torah ("Bangat"), Nevi'im ("Propeta"), tan Ketuvim ("Sulat"). Say Masoretic Text et say medieval a bersion na Tanakh, diad Hebreo tan Aramaiko, ya ipapasen na modernon Rabin Judaismo ya autoridad na Hebreon Biblia. Say Septuagint et sakey a Koine Greek a patalos na Tanakh a nanlapud komatlon siglo tan komaduan siglo K.K.; maslak a kabiangan na satan so mitunosan ed Hebreon Biblia.
Saray gawing ed labas[dumaen | dumaen so pinanlapuan]
This article is a is a stub. You can help Wikipedia by expanding it.