Wrestling
Say wrestling et sakey a martial art, isport na laban, tan nanlapod sakey a klase na panagligliwaan ya mangilalanor ed panlalaban ed kalaban tan pansasagpot ya nawalaan na posisyon ya bentaha panamegley na nanduruman panagbantak o dino teknik, diad loob na sakey a totontonen. Say wrestling et mangilalanor na nanduruman klase na grappling, singa say clinch fighting, throws tan takedowns, joint locks, pins, tan arum niran grappling holds. Dakel ya nanduruman teknik na wrestling so inlaktip ed martial arts, combat sports, tan sistema na militar .
Say wrestling et walay nanduruman klase to, say sankapopularan et say professional wrestling, ya sakey a klase na athletic threatre. Saray arum ya lehitimo a klase na kompetisyon et say Greco-Roman, freestyle, judo, sambo, folkstyle, catch, shoot, luta livre, submission, sumo, pehlwani, shuai jiao, tan dakel ni. [1] Say wrestling so inmunan pinmatnag ed kadaanan iran Olympic Games bilang sakey ya enbento legan na koma-18 ya Olympiad nen 708 BC. Walay baleg ran nanduruman estilo ya walaan na nanduruman totontonen, ya parehon tradisyonal tan modernon estilo. Say terminon "wrestling" ed Modernon Ingles et nanlapud unor lan terminon Daan ya Ingles ya wræstlunge .