Tanaman ya Puso

Manlapud Wikipedia
Jump to navigation Jump to search

nen Zenaida de Guzman Poserio

No antoy kuwan mo bilay,
Mipakna kad kuwanko,
Mantanaman itan duway
Tanaman ya puso,
No puso so itanem
Puso met so ontubo
Satay pusom agi so
Kalikta'y liknaan ko

Tuwan peteg agi ta
Walay pusod tindaan
Walay puso'y baka
Sarag tan panbilay
Walay pusoy ponti
Balet ta agko labay
Satay pusom agi so
Panpirpirawatan

Sikatoya natay
Kayaman tad bilay
No manrosas na balo
Saman ta nagamoran
No pusom tan pusok so
Sikaray manlaktipan
Liket tan duwa diyad mundo
Ag nasabsabaan