Say Manonton Dalan

Manlapud Wikipedia
Jump to navigation Jump to search

Oras lay anop simmegep kamid palandey
Usar min amin oskopetan andokey
Anggapoy pipilien antokaman ya ayep so umpatey
Amayamay kamin managnop kurong-kurong,
sisasalin akar akar no maminsan akaalagey
Immoran na singa pasak agaylay betel
Simmilong kamid baleg a kiyew
Inyura uran ton matareter
Abasan amin pati el-el aketel.
Liber kami lan liber ed katakelan
Agla natonton so nanlapuan
Tiit tiit kuwa’y billit
Akatonton ed sanga’n bulawit
Inturong to kamid dalan ya abalangan
Mapaga kami abayag min alingwanan
Bigla min anonotan so imbaga
nen bai Onor nen saman
Say ngaray billit
Manonton Dalan