Jump to content

James Peace

Manlapud Wikipedia
Si James Peace ed abung to ed Wiesbaden

Kenneth James Peace nianak ed Paisley, Setyembre 28, 1963. Sikato so sakey ya Scottish kompositor, concert pianist tan visual artist.

Si James Peace so niyanak ed Paisley (Scotland), nen Setyembre 28, 1963.[1][2][3] Kaslakan ya panaon ed inkaugaw to so nanayam ed Helensburgh, sakey a resort ed gilig na dayat diad sagur na Scotland. Dakel so artists ed pamilya to (alimbawa si John McGhie), tan kanayon to si Felix Burns, sakey a sikat a kompositor na musika parad sayaw nen inmunan kapaldua na koma-20 siglo.[1][4] Ginapoan to so manaral na piano nen manedad ya walora tan say primeron impantogtog to ed publiko et nen mantaon na labin-apat, tinogtog toy musika nen Scott Joplin.[3] Sanen mantaon na labin-anem, sikatoy naawat ed Royal Scottish Academy of Music and Drama (natan et tatawagen ya: Royal Conservatoire of Scotland) bilang say sankaugawan ya sigpot-panaon ya estudyante ed interon panaon.[1][2][4][5] Nen 1983, sikatoy nan-graduate ed Glasgow University a walaan na B.A. degree ed panagbangat na piano.[4][5] Diad tinmumbok a taon et inawat to so diploma ed panagtogtog na musika kayari na inpantogtog to na Mendelssohn’s Piano Concerto No.1 kaiba so RSAMD orkestra.[1][6] Kayari ton tinaynan so pormal a panagaral to, sikato so laba-labay na saray totoo ya pianista tan sikato so nanayam ed Edinburgh nen 1988-1991.[1][2]

James Peace - Idylls Op.4b

Si James Peace et nanayam ed Bad Nauheim, Alemanya (Alemano lenguahe: Bundesrepublik Deutschland) manlapud 1991-2009.[7][8] Manlapu nen 1998 inaral to so tango, ya angipaway na CD ya Tango escocés (Scottish Tango) saray sarili ton komposisyon ed piano ya naimpluwensiya na tango,[9][10][11] tan nen 2002 sikatoy nagmaliw a honoraryon membro (Ingles lenguahe: Fellow) na Victoria College of Music.[4][9][10][11][12] Diad satan met lanlamang a taon et sikatoy nan-solo concert tours ed amianen na Alemanya nen Setyembre/Oktubre tan nen Nobyembre diad Arawin Bukig, ya inmunan impantogtog to ed gawa to ya Tango XVII ed Hong Kong.[9][10][11][12][13][14]

Cover page, Eternal Song Op.32 nen James Peace (study score)

Diad tinmumbok iran taon, saray impantogtog to so akasentro ed Europe. Tinogtog to so saray ginawa to ya tango diad saray onggendan a kabisera: Amsterdam, Athens,[15] Berlin,[16] Brussels, Helsinki,[17] Lisboa,[3][18] London, Madrid,[3][19] Oslo,[20] Reykjavík[21] tan Vienna.[22]

Nen 2008 sikatoy nagmaliw a honoraryon membro (Ingles lenguahe: Fellow) na London College of Music bilang panamabli ed saray serbisyo to ed tango.[23][24][25]

Kayari na antikey ya panaon ya impanayam tod Edinburgh, pinmawil ed Alemanya nen Pebrero 2010 pian manayam ed Wiesbaden.[1][2] Saya so angitonton ed sikaton nawalaan na balon inspirasyon ya manisip tan nanggawa na antikey iran pelikula ed saray arum ya komposisyon to. Say dokumentaryo ya pelikula ya James Peace ed Wiesbaden so sakey ed saray ginawa to ed sayan kategorya.[23][24][25]

Premyo tan saray Award

[dumaen | dumaen so pinanlapuan]

●      Unonan Premyo, Agnes Millar Competition. Glasgow, 1983[5]

●      Unonan Premyo, Dunbartonshire EIS Competition. Glasgow, 1984[5]

●      Unonan Premyo, Sibelius Essay Prize. Glasgow, 1985[5]

●      Honorary Diploma, TIM International Competition. Roma, 2000[1][2][6]

●      Honorary Diploma, IBLA Foundation. New York, 2002[1][2][6]

●      Komemoratibon Medalya, International Piano Duo Association. Tokyo, 2002[26]

●     Balitok ya Medalya, Académie Internationale de Lutèce. Paris, 2008[1][2]

Tango Milonga op. 26
Tango XVIII nen James Peace (James Peace, piano)

Saray Manunan Komposisyon

[dumaen | dumaen so pinanlapuan]

●      The Waterfall (Say Pelag na danum)[27]

●      Idylls (Say Pangkanta ed Kabuasan)

●      Lento Lacrimoso (Saray Agmakadngel a Luha)

●      Forgotten Leaves (Saray Alibangan ya Inyales)

●      Ballade (Ballad)

●      Ceremonial March No.1 (Seremonyal a Panagmartsa numero 1)

●      Ceremonial March No.2 (Seremonyal a Panahmartsa numero 2)

●      Autumn Gold (Balitok ya Otonyo)[28]

●      Eternal Song (Andi-anggaan a Kanta)[1][29]

●     "Parad Georgia" (Heorhiyano lenguahe: საქართველოსთვის)

         (saray liriko: Tamari Chikvaidze, Zurabi Chikvaidze tan James Peace)

●     24 Saray Tango parad solo piano[1][9][10][11][23][24][25][26][30][31][32]

Saray gawing ed labas

[dumaen | dumaen so pinanlapuan]

Souvenir de Buenos Aires - youtube

Lento Lacrimoso - youtube

Autumn Gold - youtube

Saray reperensiya

[dumaen | dumaen so pinanlapuan]
  1. 1 2 3 4 5 6 7 8 9 10 11 Birgitta Lamparth. "Keine ‘stacheligen’ Klänge", Wiesbadener Tagblatt (diaryo ed Alemanya), Pebrero 10, 2011
  2. 1 2 3 4 5 6 7 Julia Anderton. "Tango wie eine süß-saure Geschichte". Wiesbadener Kurier (diaryo ed Alemanya), Marso 24, 2012
  3. 1 2 3 4 Soledad Carrizo-Araya. "Una entrevista al compositor James Peace". Hoja de Ruta Digital. Disyembre, 2022
  4. 1 2 3 4 Sabine Klein. "Meine Musik ist wie ich - sehr romantisch". Frankfurter Rundschau (diaryo ed Alemanya), 1992, numero 254, pahina 2
  5. 1 2 3 4 5 G. Müller. "Die Seele des Klaviers tanzt Tango". Kulturspiegel Wetterau (dyaryo ed Alemanya). Marso 2001, pahina 5
  6. 1 2 3 "James Peace". FRIZZ (Magasin ed Alemanya), Enero 2001
  7. ↑ Manfred Merz. "Virtuose, gefühlsbetonte Welt der Romantik", Wetterauer Zeitung (dyaryo ed Alemanya), 12 Disyembre 12, 1992, pahina 19
  8. ↑ "James Peace". The Tango Times (peryodiko ed New York). Edisyon na 2002/2003 (39). pahina 1 - 5
  9. 1 2 3 4 National Library of Scotland. Tango escocés
  10. 1 2 3 4 Philharmonie de Paris. Tango escocés
  11. 1 2 3 4 de bibliotheek. Tango escocés
  12. 1 2 "James Peace". La Cadena (peryodiko ya Olandes). Setyembre, 2002, pahina 26
  13. ↑ TangoTang (Hong Kong). Newsletter, Oktubre, 2002
  14. ↑ "James Peace". 南華早報 (diaryo ed Hong Kong). 9 Oktubre 2002
  15. ↑ Brosur program konser, Athena {Για σένα Αγγελική}. Brosyur na programa na konsyerto. Abril 27, 2016
  16. ↑ Tangodanza (magasin ed Aleman). Edition 1/2002 - 9
  17. ↑ Poster na konsyerto (tour na konsyerto ed Finland, 2014)
  18. ↑ Poster na konsyerto (tour na konsyerto ed Portugal, 2016)
  19. ↑ Poster na konsyerto (tour na konsyerto ed Espanya: ¡Feliz Cincuenta Cumpleaños - 2013!)
  20. ↑ "Listen.no. James Peace (flygel). Munch Museet, Oslo, 16 Oktubre, 2004, Dita 16, 2004". Archived from the original on 2020-06-08. https://web.archive.org/web/20200608114526/https://listen.no/event/konsert-kl-13-00-james-peace-flygel-tangos-romanticos-musikk-av-peace-piazzolla-albeniz-utstillingssalene-er-stengt. Inala nen 2025-10-18.
  21. ↑ Ríkarður Ö. Pálsson. "Skozkir Slaghörputangoár". Morgunblaðið (Icelandic ya diaryo). Oktubre 14, 2004
  22. ↑ Brosyur na programa na konsyerto (Vienna). Enero 23, 2005
  23. 1 2 3 National Library of Scotland. K. James Peace in Wiesbaden
  24. 1 2 3 Deutsche Nationalbibliothek. K. James Peace in Wiesbaden
  25. 1 2 3 Whittaker Live. "Wiesbadener Highlander K. James Peace - New DVD"
  26. 1 2 International Piano Duo Association (東京). Listaan na saray analo ed premyo, 2002
  27. ↑ Hessisches Staatstheater. Brosyur na programa na konsyerto Setyembre 12/19, 2021
  28. ↑ "Violine schwebt über das Orchester". Schwäbische Post (Dyaryo ed Alemanya). Hunyo 4, 1994
  29. ↑ National Library of Scotland. Eternal Song Op.32, Peace, K. James
  30. ↑ British Viola Society Newsletter, Agosto 2023
  31. ↑ Hoja de Ruta Digital, México. "Una corta historia del tango", 22 Komon, 2024
  32. ↑ National Library of Scotland. Tangos op.33, Peace, K. James
Retrieved from "https://pag.wikipedia.org/w/index.php?title=James_Peace&oldid=79216"