.svg){kind=logo}
Say Facebook et sakey a serbisyo na sosyal ya midya (social media) tan social networking ya kayarian na Amerkanon conglomerate na teknolohiya ya Meta. Inletneg iya nen 2004 nen Mark Zuckerberg tan apatiran estudyante tan saray kakaaro to ed Harvard College, kaiba di Eduardo Saverin, Andrew McCollum, Dustin Moskovitz, tan Chris Hughes. Say ngaran to et nanlapud saray direktoryo na face book ya mabetbet ya iiter ed saray estudyante ed Amerikanon unibersidad. Say membro et diad gapo et limitado labat ed saray estudyante na Harvard, tan kalkalnan linmaknab ed arum ya unibersidad ed North America. Manlapu nen 2006, aabuloyan na Facebook so balang sakey ya manparehistro manlapud 13 años, likud ed pigaran bansa, ya say kakaukolanen ya edad et 14 años. [1] Nen Disyembre 2023, say Facebook et walaan na ngalngalin 3.07 bilyon ya active users ed interon mundo kada bulan.[2] Nen Nobyembre 2024, say Facebook so katolon ed saray pinakalaban a website ed mundo, tan 23% ed saray bisita to et nanlapud Estados Unidos. Saya so sankarakelan ya na-download ya mobile app nen 2010s. [3]
Nayarin na-access so Facebook manlapud saray kagawaan ya walay koneksion tod Internet, singa saray personal computer, tablet tan smartphone. Kayari na panrehistro, saray manguusar et makapanggawa na profile ya mangipapatnag na personal ya impormasyon nipaakar ed inkasikara. Sarag dan i-post so text, litrato tan multimedia ya i-share ed arum ya user ya inmabobon ya mikaaro ed sikara odino, diad nanduruman privacy settings, diad publiko. Saray manguusar et nayarin direktan mitongtong ed balang sakey panamegley na Messenger, mangi-edit na mensahe (diad loob na 15 minutos kayari na pangipawit), mibiang ed saray grupon walaan na parehon interes, tan makaawat na saray notipikasyon nipaakar ed saray aktibidad na saray kakaaro ra ed Facebook tan saray pahina ya tutumboken da.
Saray reperensiya
[dumaen | dumaen so pinanlapuan]- ↑ "How do I report a child under the age of 14 on Facebook in South Korea, Spain or Quebec, Canada?". https://www.facebook.com/help/100532533374396/?helpref=related_articles%3DHow. Inala nen October 9, 2023.
- ↑ "How Many Users Does Facebook Have in 2024?". https://www.oberlo.com/statistics/how-many-users-does-facebook-have. Inala nen 11 January 2025.
- ↑ "These were the most-downloaded apps and games of the decade". https://9to5mac.com/2019/12/16/apps-and-games-of-the-decade/. Inala nen December 17, 2019.