Britney Spears

Si Britney Jean Spears (inyanak da nen Disyembre 2, 1981 ed sakey ya Amerikanon semi retirado na mangakansyon. Tatawagen ya " Prinsesa na Pop ", sikatoy ipapasen na karaklan bilang sakey ed saray sankaimpluensyaan ya managligliwa ed koma-21 a siglo . Maksil so epekto to ed pop music industry—lalo la ed papel to ed pamabilay lamet na teen pop —tan saray maseseg ya palabas to ed entablado so akatulong ed inkabansag to ed mundo.

Ginmapo si Spears na karera to nen 1992 bilang sakey a membro na cast parad musical ya Ruthless! tan say unor ya duaran season na palabas The All-New Mickey Mouse Club television series antis ya nanpirma ed Jive Records nen 1997 nensaman. Say inmunan single to, " ...Baby One More Time ", so sankaunaan ya US Billboard Hot 100 chart-topper tan sakey ed saray sankalaknaban ya single ed awaran . Si Britney Spears so nagmaliw ya sankalakoan ya tinedyer ya artist ed amin ya panaon lapud sankalakoan ton album . Sikato so sikat nensaman katon maksil na amin ya totoo ed sikato tan gaba gabay na totoo.Baby One More Time (1999), Oops!...I Did It Again (2000), tan Britney (2001), say bestseller to nen koma-21 siglo . Kayari ton nanbida ed pelikula ya Crossroads (2002), impaway to ray album ya In the Zone (2003) tan Blackout (2007). Say inmuna et kaiba so single ya " Toxic ", ya analo na Grammy Award parad Best Dance/Electronic Recording .

Lapud aarapen toy interon bilay ton panagsukimat na publiko tan problema ed bunigas na isip, si Spears so inyan ed silong na kontrobersyal a panag-asikaso nen 2008. Diad sayan panaon, sikatoy nanrekord na Circus (2008) tan Femme Fatale (2011) parad Jive, tan Britney Jean (2013) tan Glory (2016) parad RCA Records . Diad saray single ton " Womanizer ", " 3 ", tan " Hold It Against Me ", sikatoy nagmaliw ya kumatlon bii ya akauna ed Billboard Hot 100 ed loob na taloran dekada . Inmarawi si Spears ed regular ya panagpasyar ed konsierto nen 2019 pian manpokus ed kaso to nipaakar ed conservatorship, ya sengegan na inkaandi to nen 2021, kayari ton nantestigo ed publiko sumpad pamilya tan management to lapud panagmaltrato. In-anunsyo toy itaynan to ed industriya na musika nen 2024, tan inlako toy katalogo na musika to ed kantidad ya $200 milyon nen 2026.

Si Spears et sakey ed saray sankalaknaban ya artista ed amin ya panaon, ya walay kalkuladon akalako ton masulok ya 150 milyon ya plaka. Inngaran na Forbes so sankatageyan so sueldo ton biin musikero ed mundo nen 2000 tan 2012. Sikatoy niranggo ed 100 ya sankaimpluensyaan a totoo ed mundo unong ed Time (2021) tan sankamaongan ya pop stars ed koma-21 siglo unong ed Billboard (2023). Kaiba ira may premyo to na sakey a Grammy Award, anemiran MTV Video Music Awards (kaiba lay Michael Jackson Video Vanguard Award ), pitoran Billboard Music Awards tan sakey a bitewen ed Hollywood Walk of Fame . Dakel lan produkto so inlunsad nen Spears, say 2005 ya angob ton Fantasy with Elizabeth Arden, Inc. et akagawa na masulok ya maong ed $1.5 bilyon ya benta nen 2011. Say bilay tan karera to so tema na dokumentaryon Framing Britney Spears (2021) tan memoir ya The Woman in Me (2023).