2 Salmo

Manlapud Wikipedia
Jump to navigation Jump to search
Akin et mamplaplanon onlaban iray bansa?
Akin et manggagawa na saray andi-kakanaan a komplut iray katoowan
Saray arari ra milalaban ira, saray manoley da mankokomplut ira sumpad KATAWAN tan say pinili ton ari.
"Onokpus ti lad pakaoley da," kuanda; "ibantak ti la ray lobir ya impamalur dad sikatayo."
Makakalek so Katawan a manyodyorung ed trono tod tawen, tan babalawen to ra.
Insan lapud pasnuk to papasakbayan to ra, tan lapud petang na olo to tataktakoten to ra.
"Pinayorung kon manoley so arik diad tapew na masanton palandey ko a Sion," kuanto.
"Ibawag koy imbagay KATAWAN," kuay ari. "Inkuay KATAWAN ed siak: 'Sikay anak ko; natad sayan agew nagmaliw ak ya amam.
Kerew ka, et iter kod sikan amin iray bansa; nakayaryan moy intiron mundo.
Diad panamegley na bastun a balatyang betagen mo ra; mekmeken mo ran singa banga.'"
Kanyan natan dengel yo yan pasakbay, sikayo ran arari; manalwar kayo, sikayo ran manoley:
Sitatakot kayon manlingkur ed KATAWAN; giwgiw tan dakmomo kayod sikato; ta no andi, maganon ompetang so olo to, et biglan ompatey kayo. Maliket ya amin iray ondaragon paiyagel ed sikato.